MARTÍN  MARTÍN   un espectáculo para gozar en familia.

Teatro de  actor e  monicreques con música en directo.

Un tenro e dinámico espectáculo sobre un neno obsesionado coas pantallas  que descubre  outro xeito  de facer as  cousas, o da  súa  avoa.

“Martín Martín” é un divertido e intenso espectáculo de teatro infantíl con títeres de guante dirixido ao público infantil e familiar que conta como un neno, inmerso no mundo moderno tecnolóxico, entra en contacto con outro xeito de sentir e de facer, o da súa avoa Margarita. Ela é quen de amosarlle o valor da creatividade a través da atención e do traballo propio, regalándolle un lápiz moi especial.

O espectáculo conxuga actores e monicreques. Na escena se presentan os personaxes compostos cuns trazos moi sinxelos que dan paso aos monicreques, nun xogo de planos que lle imprime dinamismo á obra.

Close Menu